El djenero es muncho mas komplikado ke una simple distinksyon entre maskulino i feminino. Inkluzo desde un punto de vista puramente biolojiko distingimos sekso kromosomiko, sekso djenetiko, sekso ormonal, sekso fenotipiko… No son nesesariamente kongruentes uno kon otruno, no tienen ke ser binarios. (mas enformasion aki). I kuando ayegamos al aspekto kultural, el “djenero” es una konstruksion sosyala. Dependiendo del lugar i el momento “una mujer” o “un ombre” puede sinyifikar tener derechos, obligaciones, reglas a segir, ets. radikalmente diferentes. En Europa en el pasado los ombres vestian takos altos i fustas, munchos puevlos originarios de Norteamerika tienen rekonosido un treser djenero por syekolos, komo dos espiritus, mushe, ets. ets.

“No binarie” es un termo ke deskrive la identidad de personas ke no se meten en la distinsyon binaria de ombre/mujer. Inkluye personas adjenero, djenero fluido, demichicas, demichicos, i munches, munches mas.

No binario no es nesesariamente algo “intermedio” entre maskulino i feminino. Mas bien esta “mas aya”. Las personas no binarias no tienen ke ser androdjinas, o uzar avla neutrala, ets. Kale ke liberarse de los roles de djenero, no de krear muevos.

Porke referirse a las personas en la manera ke lo preferan es la baza de las relasiones sosyalas. No yamarias “Rashel” a Miriam, no le avlarias “de tu” a tu patronx, ets. I hay personas ke no keren ser yamadas “el” o “eya”. Si no puedes akseptarlo, eso solo avla mal de ti.

No! El djenero esta prezente no solo en los pronombres, sino en sustantivos, ajektivos, ets. No te refieres komo “eya” a tu “amigo”, sino a tu “amiga”. Respektar la identidad de djenero de una persona sinyifika respektarla no solo en sus pronombres, sino en todo lo relasionado a la avla al referirnos a eye.

Ansi, dizimos ke eye es muestre amige, ke puede ser profesore, eleve, ets., i le keremos muncho.

Puedes demandar! Si, puede ser un poko inkomodo, ama kuanto mas lo agamos, manko inkomodo se abolta. Si podemos demandarle a alguno su nombre, por ke no sus pronombres?

(Solo ke por favor no demandes “eres ninyo o ninya?”. Esta demanda implica ke solo ay dos repuestas korektas, i sugjera una kuryozidad poco saludavle por los djenitales de otras personas. En su lugar, puedes demandar “kualos son tus pronombres?” o “Komo me deveria referir a ti?”)

Tambien es emportante normalizar el dezir tus pronombres kuando te presentas kon alguno. “Shalom, so David, el/lo”. No es zor – ma sinyifika muncho para las personas trans i no binarias! Es inkluzo mas kolay en el internet: Solo mete tus pronombres (o un atadijo a enshemplos de muestro sitio internetiko) en tu biografia.

Tambien kale ke tener en mente ke munchas personas uzan un nombre i pronombres distintos en diferentes kontekstos. Puede ke ainda no aygan salido del almario kon algunes kolegos de lavoro, ama se sientan komodes biviendo sus vedra kon amiges. Se konsente. Puedes, por enshemplo, demandar “ke pronombres deveria uzar en frente de tu patronx?”, ets.

Algunas personas ofren varios pronombres, komo “el o eya” o “eye o el”. Eso sinyifika ke les plazen todas esas formas. Normalmente, la prima opsion es la ke preferan.

Si! Miyones de personas no binarias en el mundo lo azen. Algunos de pronombres propozados aki ainda no se uza en Ladino (i son inspirados por formas de kastiyano i otras linguas), pero puede ser inspirasyon para personas ke keren ekspresar sus identidad en su lingua.

La lingua no es un tipo de fechizeria inskrivida en piedra i otorgada por los dioses. Es una feramenta ke uzamos para komunikarnos. Kuando trokamos komo sosiedad, i troka el mundo a muestro al dorredor, adjustamos la avla ke uzamos para pueder deskrivirlo mijor. Mozotres semos les utilizadores, ansi ke mozotres semos la otoridad ke dize komo se uza.

Los diksionaryos se toman sus tiempo para rejistrar esas formas, lo kual no aze el trokamiento ilejitimo de ninguna manera. Eventualmente esas formas, de ser uzadas kon muncha frekuensia, son inkluidas en los diksionaryos. El diksionaryo amerikano Merriam Webster, por enshemplo, aksepta el uzo del “they” singolar komo un pronombre no binario del inglez.

Tambien puedes meldar lavoros akademikos sovre los pronombres no binarios.

Si sos sisdjenero (= no sos trans) i uzas „el” o „eya” de akodro kon tu djenero, puedes pensar ke tus pronombres son obvios. I si, kisas lo sean – siempre i kuando menciones tu nombre en tu profil (y este sea tradisionalmente maskulino o feminino) o si tu foto de profil es una foto de ti. Munchas personas no komplen kon esas karakteristikas – ansi ke no siempre es kolay endevinar kon ke pronombre preferan ser yamades.

Ama se trata, sovre todo, de algo mas emportante: kisas tus pronombres sean “obvios”, ama ay personas kuyos pronombres no lo son. Keren ke nos dirijamos a eyes korektamente, independientemente de si “pasan” komo sus djenero, aygan tranzisyonado o no (o keran tranzisyonar o no). Las personas no binarias no siempre “se ven no binarias”, no le devemos androdjinia a dinguno.

Partajar muestros pronombres es emportante para las personas trans, no binarias, i de djenero no konforme. Nos ekspone. Ama si las personas sis azen lo mismo, azen el mundo mijor para mozos. Mos aze sentir mas komodes, segures, i bienvenides (mas razones (en inglez) aki).

Naturalmente! Dinguno se sorprende kuando alguno troka su punto de vista, estilo, enteresos… Ansi ke por ke seria ajeno ke ese alguno deskuvriera una parte de su identidad, o ke le deshara de plazer su nombre, deskuvriera una etiketa ke es buena para eye, ets.?

Para nada! Dospues de munchos anyos de uzar los pronombres ke mijor se adaptan al djenero asignado al nacer es kolay olvidarse a une misme al trokarlos.

Pronombres ≠ djenero. Tu djenero no trokara ensupito porke alguno te yamo “eye”. No te perkures. Eksperimenta. Ve ke suena mijor kon ti.

Porke dezirlo ansi sugjera ke los pronombres son un kapricho. Si alguno simplemente “prefera” ke le digan “eya”, no se sentira mal _realmente_ si la yamo “el”, no? Parese chico, dospues de todo, ansi ke sera mas kolay para mi!

No! Son muestros pronombres. No muestros “pronombres preferidos”. Son muestros nombres, no muestros “nombres preferidos”. Si tus amiges i seres kerides trans i no binaries son emportantes para ti, yamales de la manera korekta.

Porke djenero ≠ pronombres. Los pronombres son solo gramer. Las personas no binarias pueden uzar pronombres binarios, algunas lezbianas uzan el/lo por razones kulturalas, ets.

Simplemente di “pronombres”.