Mis pronombres son:
ey@/l@
(Pronombre neutral kon arova)
Enshemplos de uzo en frazas:
- Penso ke ey@ es muy kerid@.
- Mi erman@ esta muy okupad@ en el mupak.
- Es un@ elev@ muy meoyud@.
- L@ visitare amanyana.
- Es vedra ke ey@s son tus amig@s?
- L@s pomper@s son muy brav@s.
- Sos l@ maestr@ de esta orkestra?
Tabla:
| Pronombre | Pr. de objekto direkto | Artikolo determinado | Artikolo indeterminado | Fleksyon | |
|---|---|---|---|---|---|
| Singolar | ey@ | l@ | l@ | un@ | -@ |
| Plural | ey@s | l@s | l@s | un@s | -@s |
Enshemplos de kontekstos kulturales:
Pronombre neutral kon arova (ey@/l@)
🥳 Kar@s amig@s!... (Ladino 21 en Twitter) , 2021
- “🥳 Kar@s amig@s! Algun@ kon famiya Izmirli? :D Esta semana, kontinuamos kon la segunda parta de la entrevista kon muestra amiga Hanna Warshavsky Politi, ke mos konta los atadijos ke su famiya dainda tyene kon Izmir, de antes i oyendiya.”
Kenan Cruz Çilli – Lingua Sin Jenero (Şalom Gazetesi) , 2020
- “Ya ay variyos egzemplos ke kero kompartir kon vozotros. La primera es la letra x: "Estan todxs invitadxs", i la segunda es el uso de arova (@): "Estan tod@s invitad@s". Komo vesh, en estos egzemplos el meldador puede kompletar la fraza en su kaveza de kualker manera, i entonses esto es konsiderado mas inklusivo i mas politikalmente korekto.”
Por ke emportan los pronombres?
Todos, todas i todes tenemos pronombres. Son los biervos ke uzamos en lugar del nombre para azer referensia a alguno a kien ya mensionimos. La majorita de las personas uza “el” i “eya”, ansi ke asumimos otomatikamente kualo uzar kon baza en sus apariensya. Ma en realidad no es tan simple…
El djenero es komplikado. Algunas personas no “se ven” komo sus djenero. Algunes preferan ser yamades de manera diferente a lo ke une asumiria. Algunas personas no se pueden meter en las “kashas” de maskulino o feminino “maskulino” o “feminino” i preferan una avla mas neutrala.
Este sitio te permete atar a tus pronombres, kon enshemplos de uzo en frazas, para ke puedas amostrarle a la djente komo preferas ke te yamen.
Por ke emporta? Por simple bondad umana. No yamarias “Rashel” a Miriam solo porke a ti te plaze mas akel nombre o porke “tiene mas kara de Rashel para ti”. O inkluzo si eya si se yama “Rashel” en el nufus ama aborese akel nombre i prefera uzar “Miriam”. Es egzaktamente lo mismo kon los pronombres – si no keres ser kaba kon alguno, avla de akeya persona korektamente. La sola diferensia es ke normalmente konosemos los nombres, ama no los pronombres. Mos prezentamos kon muestro nombre, ama no kon muestros pronombres. Kale ke agamos un trokamiento!