Mis pronombres son:
eyi/li
(Neopronombre neutral "eyi")
Enshemplos de uzo en frazas:
- Penso ke eyi es muy keridi.
- Mi ermani esta muy okupadi en el mupak.
- Es uni elevi muy meoyudi.
- Li visitare amanyana.
- Es vedra ke eyis son tus amigis?
- Lis pomperis son muy bravis.
- Sos li maestri de esta orkestra?
Tabla:
| Pronombre | Pr. de objekto direkto | Artikolo determinado | Artikolo indeterminado | Fleksyon | |
|---|---|---|---|---|---|
| Singolar | eyi | li | li | uni | -i |
| Plural | eyis | lis | lis | unis | -is |
Neopronombres
Mientres los otros pronombres son rekonosidos komo “gramatikalmente korektos”, los neopronombres son mas muevos i su intension es no emplikar ningun djenero para inkluir a personas no binarias en la diskusion. Por agora estas formas son inspiradas por las ya uzadas en kastiyano i portugezo, pero pueden ser inspirasyon para avlantes de ladino ke keren ekspresar mijor sus identidad. Es tambien importante mensionar ke este sitio es bazado prinsipalmente en los dialektos de Estambol e Izmir i estas propozisiones pueden ser mas difisiles de uzar en dialektos kon algunos trokamientos de vokales.
Por ke emportan los pronombres?
Todos, todas i todes tenemos pronombres. Son los biervos ke uzamos en lugar del nombre para azer referensia a alguno a kien ya mensionimos. La majorita de las personas uza “el” i “eya”, ansi ke asumimos otomatikamente kualo uzar kon baza en sus apariensya. Ma en realidad no es tan simple…
El djenero es komplikado. Algunas personas no “se ven” komo sus djenero. Algunes preferan ser yamades de manera diferente a lo ke une asumiria. Algunas personas no se pueden meter en las “kashas” de maskulino o feminino “maskulino” o “feminino” i preferan una avla mas neutrala.
Este sitio te permete atar a tus pronombres, kon enshemplos de uzo en frazas, para ke puedas amostrarle a la djente komo preferas ke te yamen.
Por ke emporta? Por simple bondad umana. No yamarias “Rashel” a Miriam solo porke a ti te plaze mas akel nombre o porke “tiene mas kara de Rashel para ti”. O inkluzo si eya si se yama “Rashel” en el nufus ama aborese akel nombre i prefera uzar “Miriam”. Es egzaktamente lo mismo kon los pronombres – si no keres ser kaba kon alguno, avla de akeya persona korektamente. La sola diferensia es ke normalmente konosemos los nombres, ama no los pronombres. Mos prezentamos kon muestro nombre, ama no kon muestros pronombres. Kale ke agamos un trokamiento!